Воздыхания грешной души, в ответ на призыв Господа

автор **Радомир** Ср Апр 25, 2018 8:49 pm

Иисусе, Сыне Божий, помилуй мя!
Привлецы мене, да прииду к Тебе!
В темнице заключен есмь, Господи!
Изведи из темницы, да прииду к Тебе!
Изведи из темницы душу мою -- исповедатися имени Твоему!
Тьма окружает мя, Господи!
Прожени тьму, да узрю свет Твой!
Связан я, Господи, многими узами железными, и несть ми ослабления.
Расторгни узы, да свободен буду!
Даждь ми уши - слышати Тя!
Даждь ми очи - видети Тя!
Даждь ми вкус - вкусити Тя!
Даждь ми ухание - благоухати Тя!
Даждь ми нозе - приити к Тебе!
Даждь ми уста - глаголати о Тебе!
Даждь ми сердце - бояться и любити Тя!
Настави мя, Господи, на путь Твой, и поиду по истине Твоей!
Ты бо еси Путь, Истина и Живот.
Возьми мое от мене, и даждь ми волю творити, волю Твою благую!
Отыми ветхое, и даждь ми новое!
Отыми сердце каменное, и даждь ми плотяное, -- Тебя любящее, Тебя почитающее, Тебе
последующее! Даждь ми око, да узрю любовь Твою.
Даждь ми око, да узрю смирение Твое и последую ему.
Даждь ми око, да узрю кротость и терпение Твое и последую ему!
Рцы слово, и будет все, ибо слово Твое дело есть!
Верую, Господи, помози моему неверию!

Иисусе, Сыне Божий, помилуй мя!
Буди моей души пища и питие!
Буди Источник жаждущей души моей!
Буди Свет помраченной души моей!
Буди освящение противу нечистоты моей!
Буди Премудрость противу безумия моего!
Буди мир и покой противу злой совести моей!
Буди Совет противу недоумения моего!
Буди укрепление в слабости моей!
Буди Сила противу немощи моей!
Буди Вождь в пути моем!
Буди Отрада в скорби моей!
Буди веселие в печали моей!
Буди Избавление противу пленения моего!
Буди Ходатай противу клеветников моих!
Буди победа противу неприятелей моих!
Буди Щит противу гонителей моих!
Буди Судия противу оскорбляющих мя!
Буди Царь противу диавольскаго царства!
Буди Ходатай мой противу гнева Божия!
Буди Жертва за грехи моя!
Буди Оправдание противу грехов моих!
Буди мне сиру Отец вечный!
Буди Заступник в час смерти моей!
Буди Живот противу смерти моей!
Буди покровитель по смерти моей!
Буди Жизнь вечная по воскресении моем!
Иисусе, Сыне Божий, помилуй мя!
Даждь славу имени Твоему, мне же -- спасение вечное!
Не нам, Господи, не нам, но имени Твоему даждь славу!

(Из творений Св. Тихона Задонскаго).