Христос грешную душу к Себе призывает

автор **Радомир** Ср Апр 25, 2018 8:51 pm

Почто ты, человече, Мене оставил?
Почто тебе возлюбившаго отвратился?
Почто паки пристал ко врагу Моему?
Помяни, яко тебе ради с небесе снидох.
Помяни, яко тебе ради плоть бых.
Помяни, яко тебе ради от Девы родихся.
Помяни, яко тебе ради младенствовах.
Помяни, яко тебе ради смирихся.
Помяни, яко тебе ради обнищах.
Помяни, яко тебе ради на земле пожих.
Помяни, яко тебе ради гонение претерпех.
Помяни, яко тебе ради злословие, поношение, ругание, безчестие, раны, заплевание, заушение, насмеяние, укоризненныя страсти приях.
Помяни, яко тебе ради с беззаконными вменихся.
Помяни, яко тебе ради поносною смертию умер.
Помяни, яко тебе ради погребен бых.
С небесе снидох, чтобы тебе на небо возвести.
Смирихся, чтобы тебе вознести.
Обнищах, чтобы тебе обогатить.
Обезчестихся, чтобы тебе прославить.
Уязвихся, чтобы тебе исцелить.
Умер, чтобы тебе оживить.
Ты согрешил, а Я грех твой на Себе взял.
Ты виноват, а Я казнь принял.
Ты должник, а Я долг заплатил.
Ты на смерть осужден, а Я за тебе умер.
Но к сему любовь Моя, милосердие Мое привлекло Мене: не мог Я терпеть, чтобы ты в таком страдал злополучии.
Сию ли ты любовь пренебрегаешь?
Вместо любви ненависть воздаешь.
Вместо Мене грех любишь.
Вместо Мене страстям работаешь.
Но что ты сыскал во Мне отвращения достойное: чего ради не хочешь ко Мне приити?
Добра ли себе хочешь?
Всякое добро у Мене.
Блаженства ли хочешь?
Всякое блаженство у Мене.
Красоты ли хочешь?
Что краснейше паче Мене?
Благородства ли ищешь?
Что благороднее Божия Сына Девы?
Высоты ли хочешь?
Что выше Царя небесе?
Славы ли хочешь?
Кто славнее паче Мене?
Богатства ли хочешь?
У Мене всякое богатство.
Премудрости ли хочешь?
Я -- Премудрость Божия.
Дружества ли хочешь?
Кто любезнее и любительнее паче Мене, Иже душу за всех положил?
Помощи ли ищешь?
Кто поможет, кроме Мене?
Врача ли ищешь?
Кто исцелит кроме Мене?
Веселия ли ищешь?
Кто увеселит кроме Мене?
Утешения ли в печали ищешь?
Кто утешит кроме Мене?
Покоя ли ищешь?
У Мене обрящеши покой души твоей.
Мира ли ищешь?
Аз есмь мир душевный.
Живота ли ищешь?
У Мене источник живота.
Света ли ищешь?
Аз есмь свет миру.
Истины ли ищешь?
Аз есмь истина.
Пути ли ищешь?
Аз есмь путь.
Вождя ли к небеси ищешь?
Аз есмь вождь верный.
Что убо, чего ради не хочешь приити ко Мне?
Приступить ли не смеешь?
К кому удобнейший приступ?
Просить ли опасаешься?
Кому Я, просящему с верою, отказал?