Молитва ко Отцу Небесному

автор **Радомир** Вт Окт 31, 2017 7:13 pm

Молитва ко Отцу Небесному

Отче наш, Перво-Изволителю всех Благо-Изволений и Благо-Деяний Всесвятыя Троицы!
Иже еси на небесех, Иже Сиянием Твоим сияеши в небожителех, с Сыном Твоим и Духом Твоим Святым, пребогато приобщая их Твоего Трисветлаго Сияния! Усынови нас приобщением и нам Тройственной Благодати Твоея! Дабы сим приобщением святилось Имя Твое в нас и мы присно осиявались Откровениями Сына Твоего, глаголющими нам совершенства Твоя и глаголы оправданий Твоих! Дабы пришло к нам Царствие Твое воцарением Благодати Духа Святаго Твоего! Дабы была в нас и Воля Твоя, во еже и нам хотети и деяти о Благоволении: хотети, якоже Ангели Небеснии, токмо то, еже Ты благоволиши хотети, и волею производя

, токмо еже Ты произволяеши волити, и любити Тя всеми силами духа, души и тела нашего: всем сердцем, всею душею, всею мыслию, всею крепостию нашею!
Приобщи же нас и Хлеба Сшедшаго с Небеси — Тела и Крове Сына Твоего, одесную Тебе на небеси Седяща, да напитаемся, да укрепимся, да обогатимся Духом Благодати Твоея, и да благодатно вселится в нас Сын Твой Иисус, с Тобою и с Духом Твоим Святым! Таже и яже на потребу нам в житии сем даруй!
И остави нам злая дела наша, имиже злое хотение диаволе сотворихом, и ихже ради и Твоего сладкого и светлого общения лишихомся и сынове диаволи сотворихомся, — якоже и мы оставляем должником нашим!
И не введи нас в искушение: не премолчи глаголати нам Истину Твою, да не покрыет нас тьма диавольская и да не прельстит нас враг ложью своей!
Но избави нас от лукаваго! Избави сердца наша от живущих в нас страстей! Очисти волю нашу от склонности ко греху! Исправи лукавое наше произволение, предпочитающее Истине Твоей лукавая советования диавола! Очисти сердца наши от лукавых похотений, яко гре-холюбиви есмы!
Яко Добро-Детель Твоя и Сына и Духа Твоего Святаго покрывает небеса, и Причастие Твоего Трисветлаго Сияния сыны человеческия «сыны Божии» и «боги» по Благодати устрояет! Яко Твое есть Царствие и Сила и Слава, Отца и Сына и Святаго Духа, ныне и присно и во веки веков, аминь.