ЗАКЛИНАТЕЛЬНАЯ МОЛИТВА КО ГОСПОДУ ОБ ИСЦЕЛЕНИИ ПО ТРЕБНИКУ ПЕТРА МОГИЛЫ

автор **Радомир** Чт Окт 26, 2017 11:40 pm

ЗАКЛИНАТЕЛЬНАЯ МОЛИТВА КО ГОСПОДУ ОБ ИСЦЕЛЕНИИ ПО ТРЕБНИКУ ПЕТРА МОГИЛЫ

Владыко Вседержителю, Врачу душ и телес, смиряяй и возносяяй,наказуяй и паки исцеляяй, брата нашего (имя) немощствующа посети милостию Твоею, простри мышцу Твою, исполнену исцеления и врачбы: и исцели его, воставляяй от одра и немощи,запрети духу немощи, остави от него всяку язву, всяку болезнь, всяку рану, всяку огневицу и трясавицу: и аще есть в нем согрешение или беззаконие, ослаби, остави, прости Твоего ради Человеколюбия. Ей Господи, пощади создание Твое во Христе Иисусе, Господе нашем, с нимже благословен еси, и со Пресвятым, и Благим, и Животворящим Твоим Духом, ныне и присно, и во веки веков. Аминь.
Молитва благодарственная об изгнании беса
Благодарим тя, поем, славим и величаем крепкую, и великолепную силу державы власти твоея, Господи Боже Отче Вседержителю: тако премногих ради твоих неисчетных щедрот, и человеколюбнаго твоего милосердия, изволил еси избавити, и свободити раба твоего (рабу твою) ИМЯ от от обдержавшаго и мучившаго его (или ея) нечистаго духа: и смиренно рабски припадающее, прилежно твое благоутробие молим, да не к тому духу лукавый благоимать над ним, ( или над нею), но бегом да бежит, и далече устранится, и к тому да не возвратится. Да вселится в оного (или в оную) Господь всемилостивый, тебе благоизволяющу, благость и мир единородного твоего сына, Господа же нашего Иисуса Христа, им же искупленивыхом от работы вражия, и всякого зла не убоимся, тако с нами Господь: и благодать Святаго Духа, да укрепи, и утверди его (или ею), в великом деле творити Волю твою благую, благоугодную и совершенную от вся дни живота его (или ея), и тебе со всеми верными славити и величати, с единородным твоим сыном, и всесвятым, и благим, и животворящим твоим Духом, ныне, и присно, и во веки веков. Аминь.